Gin Lee首個紅館個唱竟然有人咁做 網民大鬧:香港人真係唔配有好歌手

designer_216     2018-06-26     檢舉

歌手Gin Lee(李幸倪)前幾日完成咗佢首個紅館演唱會,呢2晚佢施展渾身解數,3個鐘不停飆歌外,仲大跳性感舞,然而有網民係連登開Post,話睇到觀眾表現好心酸。

佢係連登開post咁講,慨嘆香港人根本唔配有好歌手。

Gin唱得有幾好有幾痴線我就唔打算多講,有入場睇嘅就明

若然cd同佢平時啲live係90分嘅話,今日應該三分一歌有120分

但好老實講,我喺個show之前唔抱有任何期望,講嘅係對觀眾嘅期望。

你剩係識三四首歌?

我理解㗎喎,Gin嘅歌傳唱度低,少人留意唔係第一日嘅事,尤其係bma時期嘅歌,好幾首都高質但又冇咩人識。而我諗唔少Gin嘅fans都希望可以透過今次concert將依啲滄海遺珠帶俾更多人識,一齊欣賞Gin嘅音樂

而你話觀眾反應好差,冇咩人大嗌歡呼

我只能講,預咗,始終fans base太細,冇可能要啲非fans嗌到好high。同埋之前音樂會,Gin叫大家一齊唱,最尾都係冇人理得佢自己唱

甚至乎當我見到網上面有好人寧願賤賣都唔要佢嘅飛,我心入面已經好清楚。我同我自己講,有我同其他fans愛佢支持佢就夠

所以今晚紅館可以坐得爆,真係令我喜出望外—我好撚開心

但係一場咁精彩嘅演唱會,竟然會不斷有人中途離場。當Gin喺11:00宣布最後一首歌嘅時候,我嗰行啲人已經即刻執定嘢要走;未等首歌唱完,佢哋已經起曬身排住隊走。到真係最後一首歌《今天終於一人回家》,無論Gin幾俾心機唱都好,走緊嘅人連望都冇望一眼

好撚好撚好撚心痛,即使冇任何期望都依然好失望。一個歌手,事前準備咗超過半年,喺舞台上傾盡所有,幾乎毫無冷場咁唱足兩個鐘,展現出嘅嗰一份自信,臉上見到嘅嗰一燦笑容,散發出嚟嘅嗰一股光芒,即使你事前Gin Lee呢個人0認識,你都好難唔俾佢打動到,但係我面前嗰班人,睇唔出佢地有一絲嘅留戀

如果連坐低睇曬成個concert嘅耐心都冇,我哋真係唔配有好歌手

肥仔黎睇完都覺得好心痛,Gin Lee準備成半年,唱足3個鐘真係唔話得,佢值得大家尊重。

雖然有人話就算一線歌星開騷都會出現觀眾未完騷就走的情況,嘲諷呢個係「香港特色」

不過當晚有人睇到瞓著係咩事,對努力嘅歌手係一種好大嘅打擊。

有facebook page 上載咗Gin Lee當晚唱《很堅強》的一段影片!