呢位美女學徒疑遭杯葛 被爆埋位遲擺姐仔款

designer_216     2018-06-26     檢舉

《美女廚房》已經播出第四集,呢一輯同以往唔同嘅係除咗冇咗班現場觀眾,美女學徒仲加到18人咁多,佢哋個個都好有睇頭,包括有王卓淇、單文柔、余潔瀅等,仲有力捧對象2017年落選港姐伍樂怡,而伍樂怡疑似因為俾大台力捧經常出鏡,而俾其他美女學徒杯葛。

Cap嚟見我

有傳《美女廚房》開拍唔夠三個禮拜,已經有學徒淪為人肉布景板,反而大台親生女就有好多上鏡機會,好似前落選港姐伍樂怡,慘慘豬俾其他美女學徒杯葛。

《美女廚房》每集會有5分鐘時間俾3位學徒煮嘢食上鏡,其他學徒就變曬人肉布景板。有指頭兩集播出後,有外援組學徒冇上鏡機會,而大台親生女伍樂怡、王卓淇、單文柔等就有大特寫同對白。

伍樂怡同王卓淇喺第一集已經被安排下廚上鏡,而伍樂怡頭兩集已經有好多出鏡機會,有傳佢埋位最遲都冇俾人催促,擺曬姐仔款咁,明顯得到優待,果然親生女係唔同啲。

伍樂怡呢個親生女喺大台發展得幾好㗎,喺藝員訓練班培訓咗幾個月,就已經安排佢主持《Think Big 天地》、《3日2夜》、《安樂窩》等節目,撈得仲好過同屆港姐冠軍雷莊𠒇。

《美女廚房》就嚟播,相信大家最關心都係入面有邊啲美少女,有冇啲大波女神!大台整得呢啲節目,冇返咁上下嘅美少女點會俾個節目出街,今次我哋就嚟討論一下呢個美女陳晨。無綫節目《美女廚房》六月份就會播出,主持陣容改由林盛斌、蕭正楠同張振朗三人負責。而美女學徒有成18個咁多,今次就嚟討論下呢個23歲嘅陳晨(Elsie)。

陳晨曾經參選2017年香港小姐,可惜面試表現麻麻未能入圍,之後都係專注模特兒工作,今次成功躋身為美女學徒之一,都算係加入娛樂圈第一步!Elsie話自己好想入娛樂圈:「最想拍電視劇同電影。最想同周柏豪合作,佢好靚仔!」

Elsie樣靚身材正,原來佢仲係個學霸。佢喺美國明尼蘇達大學讀傳理系,做過兩年學生會會長,仲幫低年班同學改文,肥仔黎我就好有自知之名嘅,真係冇返咁上下嘅知識,都唔敢話要去教人。

觀眾除了好期待有邊位女藝人上去大展「廚藝」外,一眾美女學徒中有大台小花、前港姐及模特兒等等,整體質素相當高,節目主持之一的蕭正楠及張振朗早前 聯同18位美女學徒出席宣傳活動,全部靚女一律短裙仔曬長腿,一於認識嚇佢哋!

美女廚房,食咗先講!

「美女廚房,食咗先講!」新一輯《美女廚房》將於6月2日首播,今日蕭正楠及張振朗聯同18位美女學徒出席宣傳活動,全部靚女清一色著上廚師制服,配襯灰色格仔超短裙,美女長腿一字排開,果真目不暇給,超壯觀!

伍樂怡自信十足

2017年落選港姐伍樂怡(Kelly)雖然去年三甲不入,不過頗受網民歡迎,今次成為美女學徒之一,Kelly表示自己喺加拿大時都經常下廚,三餸一湯無難度,節目中則會以「開心果牛油果焗三文魚」參賽!

王卓淇變眼鏡娘曬腿

大台小花王卓淇,2014年港姐亞軍,出曬名有對白滑長腿,最近佢染咗一頭啡金頭髮成個日本妹咁,再戴上眼鏡變「眼鏡娘」,煮唔煮得就未知,但肯定好睇得!

煎pang嫂出場

2016年落選港姐單文柔,最出名的身份當然係陳展鵬女朋友,佢廚藝如何就要問問煎pang啦!

部分美女學徒一覽

余潔瀅

呢位之前都介紹過,女星余香凝的21歲妹妹余潔瀅(Zoe),兩姊妹非常似樣,Zoe同家姐一樣都係模特兒出身,今次參加節目相信可以成功入屋。

邱晴

大家仲記唔記得佢?邱晴喺2017年時以17歲之齡參選港姐,雖然最終未有任何獎項,不過高大身型及可愛甜美笑容都令人留下深刻印象!

羅堃尉

羅堃尉(Karen),本身係一位專業模特兒,亦為2012年FACE大專校花校草選舉冠軍,唔少廣告都有佢芳蹤!睇番其社交網站,Karen除了有靚樣,身材都好有睇頭㗎!

洛兒

外貌標緻、笑容甜美的洛兒本身係一位夜場DJ,之前亦有客串劇集及於多本雜誌中亮相,早前招募活動時已被阿Bob睇高一線,大讚佢靚女!

阮嘉敏

阮嘉敏曾參加2016年港姐競選,及後擔任《東張西望》主持而為人認識,身樣貌身材都幾有睇頭!

Cap by:東方新地、巴士的報

Tag

伍樂怡美女廚房美女學徒

識睇睇埋

呢位美女學徒形象清純

原來出道前曾影過呢啲 …

美女廚房學徒洛兒身價曝光

爆料人:佢一晚收開60,000港紙

《美女廚房》請鼎爺做評判出事

網民:搞到個氣氛好尷尬

蕭正楠背住翠如搵…

仲搞到人哋呼吸困難