FG做Admin被家人斥無L用 HKU畢業生:威過班Asso仔啦

designer_216     2018-06-26     檢舉

相信有好多人都已經放緊暑假,當你諗緊去邊玩、呢個暑假做咩好嘅時候,有一班應屆畢業生就係度煩緊幾時有offer!每到畢業嘅季節,好都Fresh Grad嘅人都諗緊之後做咩工,而近排就有個絲打係連登發帖,話係港大畢業生,雖然收到行政主任嘅offer,但屋企人反而話佢份工冇前途!你又點睇呢?

事關絲打就係連登開Post問意見,就話自己啱啱係港大嘅BA 學系畢業,佢之前就收到一間上市公司聘用佢為行政主任,月薪就$18k,而另外自己都會係週末接下私補咁,計計埋埋都有成$23k,原本諗住儲幾年錢,就同男友「上車」。點知事與願違,屋企人就反對佢做行政主任,覺得呢份工根本就係打雜冇前途,寧願搵「份工學得多嘢,就算 12k 都應該照做」。

其實一畢業已經搵到兩萬蚊真係算唔錯啦,起碼有啲畢業生都未必有offer,但屋企人就覺得做行政主任冇前途:「FG 做嘢應該係為學嘢而唔係為份糧,只要份工學得多嘢,就算 12k 都應該照做,過多幾年就可以轉工一直向上升,到時自然月入幾萬咁喎。」

其實做行政主任係咩真係好似做「啊四」咁?打雜冇前途呢?有啲網民就覺得如果做呢份,不如做政府嘅行政主任。絲打雖然覺得呢份工係好,可以做過世,但幾會冇左人生意義,你仲會唔會去做呢?

而有啲網民就覺得試下冇妨,唔做呢份又有咩工可以做呢?

其實屋企人都係想絲打搵一份晉升機會高啲,唔係單單為錢咁簡單。但最後嘅人生都係自己嘅,所以搵工都係搵份自己中意嘅,如果唔係返工都好似受罪咁~